បណ្ណសារប្លក
កង់ខ្មែរកំពុងប្រឈមនឹងការបាត់បង់
ស្រុកព្រៃកប្បាស ខេត្តតាកែវ ៖ កង់ខ្មែរដែលកសិករផ្ដេកទុកក្នុងប្រឡាយ នៅពេលដែលគាត់ដើរច្រូតស្មៅគោ។
កាលពីមុន កង់ដែលផលិតក្នុងស្រុក ទទួលបានការពេញនិយមជាខ្លាំងពីក្នុងចំណោមប្រជាពលរដ្ឋខ្មែរទូទៅ ជាពិសេសអ្នកនៅតាមជនបទ។ សិស្សសាលាតែងតែបង្អួតគ្នាអំពីការតុបតែងកង់របស់ខ្លួន។
ប៉ុន្តែចាប់តាំងពីមានកង់ជជុះពីប្រទេសជប៉ុន និងកង់ដៃត្រង់មកពីកោះតៃវ៉ាន់ និងប្រទេសចិនមក ចង់ខ្មែរត្រូវបានគេបំភ្លេចចោលបន្តិចម្ដងៗ ដែលរហូតមកដល់ពេលនេះវាស្ទើរតែបាត់រូបរាងទៅហើយ។ ប្រជាពលរដ្ឋ ជាពិសេសសិស្សានុសិស្សនៅតាមជនបទ ប្រើប្រាស់តែកង់ជជុះជប៉ុន ដោយសារវាមានតម្លៃថោកជាងកង់ខ្មែរ។
អ្នកដែលនៅប្រើប្រាស់កង់ខ្មែរ គឺអ្នកដែលត្រូវការដឹករបស់របរធ្ងន់ៗប៉ុណ្ណោះ ដូចជា ដឹកស្រូវ ស្មៅ ឬបន្លៃ ជាដើម។ល។
ខ្ញុំយល់ឃើញថា មិនយូរមិនឆាប់ កង់ប្រភេទនេះអាចនឹងត្រូវបាត់បង់ ហើយក្មេងៗស្រករក្រោយនឹងលែងបានស្គាល់ជាក់ជាមិនខាន។
នី កែវប៉ុញ្ញា 