ហេតុតែមាននិស្ស័យនឹងការថតរូប ហើយមិនអាចរកអ្នកទៅឈរកំដរមើលយើងថតរូបបាន ក៏សម្រេចចិត្តធ្វើដំណើរតាមរថយន្តក្រុងម្នាក់ឯងទៅកាន់ឆ្នេរ Waikiki នាទីក្រុង Honolulu កោះហាវ៉ៃ តែម្ដង។
គ្រាន់តែមើលឃើញពីចម្ងាយ ក៏កើតក្ដីរំភើបមែន។ អ្វីៗនៅទីនោះពិតជាស្អាតណាស់ ឆ្នេរក៏ស្អាត ខ្សាច់ក៏ស្អាត ទឹកសមុទ្រក៏ស្អាត ហើយនារីៗក៏រឹតតែស្អាត (ហាហាហា… កុំនិយាយប្រាប់គេ ប្រយ័ត្នគេខ្មាស់ខ្ញុំ)។ កុំអីខ្ញុំថតរូបនារីស្អាតៗជូនបងប្អូនមើលលេងហើយ ប៉ុន្តែខ្លាចគេប្ដឹងប៉ូលីសចាប់ខ្ញុំដាក់ទ្រុងមួយយប់លេង ឬក៏ខ្លាចថតប៉ះចំសង្សារគេ អញ្ចឹងមានតែខ្ជិលម៉្រងទៅ។
និយាយពីរឿងចង្រៃ ! ខំដើរទៅដល់មាត់សមុទ្រ ទាញម៉ាស៊ីនថតបម្រុងនឹងថត ស្រាប់តែអត់មានម៉ែម៉ូរី (Memory) ក៏ចាប់ផ្ដើមឆ្លេរឆ្លា រត់លិចកើតទម្រាំតែរកហាងលក់ម៉ែម៉ូរីនេះបាន ដោយតម្លៃកប់ក្ដោង (8GB ថ្លៃ ២២ដុល្លារ)។
និយាយពីរឿងសប្បាយវិញ ! … សូមមិននិយាយទេ នាំយូរការ ខ្ញុំសូមនាំបងប្អូនចូលមើលរូបថតដែលខ្ញុំទើបនឹងថតបានតែម្ដងទៅ។ សូមអញ្ចើញទស្សនាដោយរីករាយ ទាន !
បញ្ចេញមតិ
Comments 0