ខាងក្រោមនេះ គឺជារូបភាពមួយចំនួនដែលខ្ញុំទើបនឹងបានថតកាលពីពេលថ្មីៗនៅក្នុងអគារកាស៊ីណូចាស់នៅលើខ្នងភ្នំបូកគោ។ មិនដឹងថាវាមានភាពទាក់ទាញឬអត់ទេ ខ្ញុំគ្រាន់តែសាកល្បងថតសម្រាប់ការកំសាន្តប៉ុណ្ណោះ។
Monthly Archives: ខែតុលា 2011
បម្រាមសម្រាប់មនុស្ស ឬសម្រាប់សត្វពាហនៈ ?
ស្រុកបាធាយ ខេត្តកំពង់ចាម ៖ ស្លាកបម្រាមមួយផ្ទាំងដែលគេសរសេរបិទនៅលើរបងក្បែរច្រកចូលក្នុងដីឡូតិ៍ដ៏ធំមួយ។ Photo: Ny KeoPonha
បើគ្រាន់តែក្រឡេកមើល ឬអានធម្មតា នោះលោកអ្នកនឹងមិនចាប់អារម្មណ៍អំពីអត្ថន័យរបស់វាទេ។
ប៉ុន្តែ បើលោកអ្នកអាន និងគិតតែបន្តិច វាអាចមានន័យមួយបែបផ្សេងពីការយល់របស់មនុស្សទូទៅ។ តើស្លាកនេះគេសរសេរដើម្បីឲ្យមនុស្សមើល ឬឲ្យសត្វមើល ? បើពិនិត្យទៅលើបែបនៃការសរសេរ វាហាក់ដូចជាគេហាមសត្វពាហនៈដោយផ្ទាល់តែម្ដង គេមិនបានហាមម្ចាស់របស់សត្វទេ។ អញ្ចឹងមានន័យថា សត្វនៅតំបន់នោះចេះអានអក្សរខ្មែរ ?
តើអាចថាមកពីខ្ញុំគិតជ្រៅពេកទេដឹង ? ខ្ញុំគ្រាន់តែថតលេង ហើយអផ្សុកពេកក៏ចេះតែ Post លេងដែរទៅ។ ខ្ញុំគ្មានបំណងអ្វីទេ។
ទៅបង់សំណាញ់នៅព្រែកជិតស្ថានីយ៍ទូរទស្សន៍ប៉ុស្តិ៍លេខ ៥
ម្សិលមិញ ខ្ញុំ និងមិត្តភក្ដិបានទៅទិញសំណាញ់មួយ រួចបានទៅបង់នៅតាមព្រែកមួយជិតស្ថានីយ៍ទូរទស្សន៍ប៉ុស្តិ៍លេខ ៥ ប៉ុន្តែអភ័ព្វអី លើកសំណាញ់បង់មិនរួច អញ្ចឹងមានតែអង្គុយថតរូបអ្នកបង់សំណាញ់នៅទីនោះវិញ។ ដល់ពេលហ្នឹងទើបបានដឹងថាខ្លួនឯងខ្សោយ ដោយសារមិនដែលបានហាត់ប្រាណ។