ព្រះសង្ឃរាប់ពាន់អង្គ និងប្រជាពលរដ្ឋរាប់ម៉ឺននាក់ បាននិមន្ត និងអញ្ជើញមកជួបជុំគ្នានៅមុខព្រះបរមរាជវាំង កាលពីល្ងាចថ្ងៃទី ២៣ ខែតុលា ឆ្នាំ ២០១២ ដើម្បីសម្ដែងនូវសេចក្ដីគោរពចំពោះព្រះវិញ្ញាណក្ខន្ធព្រះមហាវីរក្សត្រ សម្ដេចព្រះ នរោត្ដម សីហនុ និងធ្វើពិធីសូត្រមន្ត បង្សុកូល ព្រមទាំងការធ្វើពិធីសមាធិរយៈពេលខ្លី។
នៅក្នុងពិធីនេះ ក៏មានការយាងចូលរួមរបស់ព្រះរាជអគ្គមហេសី ព្រះមាតាជាតិខ្មែរ និងសម្ដេចព្រះករុណាជីវិតតម្កល់លើត្បូង ព្រះបាទសម្ដេចព្រះ នរោត្ដម សីហមុនី ផងដែរ ដែលព្រះអង្គទាំងទ្វេរបានមានព្រះរាជបន្ទូលប្រកបដោយព្រះរាជទុក្ខសោកជាអនេក ដោយសារការយាងចូលទីវង្គតរបស់ព្រះមហាវីរក្សត្រ។
ខាងក្រោមនេះជារូបភាពមួយចំនួនដែលខ្ញុំបានថតនៅក្នុងព្រឹត្តិការណ៍នេះ ប៉ុន្តែសោកស្ដាយដោយខ្ញុំមិនបានថតព្រះភ័ក្ត្រសម្ដេចម៉ែ និងសម្ដេចព្រះករុណា។
នី កែវប៉ុញ្ញា 